يــالـيــأس خــطــانــي
الشاعر : رواف الرفادي
يالياس خطانى .. كنك رفيق معاى طول زمانى .. رديت حالى
كــنــك ديــمــا ... منك كدا عقلى وسبا ظيمه
دور بديلى يالياس غنيمه ... الا نا على بلواك صابر يانى
واخذ على ظلمك ابقيت عديمه ... بالك ايسدك وايش تبى تانى
بعد قهر واوجاع وقلة قيمه ... منشاب نارك فى الكنين كوانى
رد الياس وقال:
لامــانـسـيـبــك ... نين تنكلب والا تبدد عيبك
والا يلصّف فى عراضك شيبك ... وتخرف وما قطعن عليك الوانى
ونا كل يوم اندورك ونجيبك ... ومانتركك تنظر زها وحدانى
امسلط عليك انعول فى تعذيبك ... وين ما تعدى متكى تلقانى
وحتى وانت راضيبه أتقول نصيبك ... نجيب لك بلاوى بتعهن جوانى
رد الشاعر وقال :
مــانـــحــسابــك ... الا قلت بهدلتك وطال عذابك
ثاريك متشمت لقيت جنابك ... وراضى بفعلك درتها بالعانى
وان فرحت العين انقول زاد اعطابك .. انوتى اوتاى اللوعتى واحزانى
عارفك اتجي تقطيع اغراظك جابك .. وتصبح امصادرنى ابيوتك باني
اتوصى على عيلتك واصحابك .. تخطيطك نلقانه يالياس شواني
رد الياس وقال:
كـــلــه مـــنـــك ... انت هو اللى ديما امقوقس جنك
نيران بكرعك وطيت كلنك .. وغلطت فى ودرتنى عدوانى
انرافقك اجبارى قلت غصباً عنك .. وما شئ فالدينا عليك الهاني
ولا انطالقك ولا تحطها فى ظنك .. ولا نريحك مكتوب فى ديواني
رد الشاعر:
مـــــنــــك لله .. هو اللى خلق موال فيده حله
قادر عظيم بقدرته يرسله .. من فيض رحمته ماعاد عذاب إيعانى
ويفتح ابواب الخير ما يقفل له .. الخاطر قبل ان يندفن جثماني
ويارب ياعالم اسباب العله .. وعارف العلل يسفه بدون معانى
أتفرج على المكيون واتنزله .. جلا هم من عندك دواء حقاني
واللى ظل دربك ياعظيم اجعل له .. أنوار لسبيلك قبل يصبح جاني
مامن اللى يغزل وهى تفتل له .. قال بو الرقيعى ما عليها باني
زايله وزايل عزها والذله .. وجميع ما خلق مولاي فيها فاني
وانت تقول لى ياياس منك كله .. وأنسيت ربك يا عدو الانساني
وســـلامتــكم
الأحد أكتوبر 16, 2022 8:34 pm من طرف ملك.المينا
