منامي جاب نظيف الخد ونا راقد تهيالي نحسابه بجد
---------------------------------------------------
خيرك ياعين تغششتي .. شن فتشتي .. لين جروح الخاطر نشت
---------------------------------------------------
عالكرت نملا كرت
من سحر صوتك في الغرام اسكرت
أنا مدمنك
ندير نغمتك نبظة القلب الحاني
وبالدم نرسلك مرايف راني
ولك نشحن النقال من شرياني
وعالصامت اندير الشوق كان نكرت
---------------------------------------------------
كل يوم تام رصيدى.... وانتى ترنى طالبه مواعيدى
نسلف وناخد دين ماهو بيدى....الله يلعن النقال فيه حصلت
---------------------------------------------------
ياريت ماهو ماكن .. وياريت حبك فيا ماهو ساكن
لا حن قلب ولا عيون تباكن .. ولا العقل منك شال جاي وغادي
يا ريتني متهني .. لا بجرح نشكي لا غلاك سكني
ولا بقيتي جزء فيا ومنّي .. ولا تخطري وقت انجي لوسادي
-----------------------------------------
غير اعترف و مسامحك... ما انريد منك شى
غير اعترف من صالحك... بالك الحق على
لك عام مانك صافى... وين ما اتغيب اتطول
حتى فى كلامك جافى... مانك حبيبى لول
يانا مش فاهمك... وانتا اتساير فيا
يافى غيرى شاغلك... و خايف اتقوله ليا
---------------------------------------------------
زيد يا زمان اقهرنى وسع اجروحى زين ما تعبرنى
خود غايتك ...
زيد اوجاعى قول يا زها عدى اومالك داعى
اضغط على قلبى الى ملتاعى على حب راح وفى الكنين سعرنى
زيد اهمومى سيل ادموعى نين يجفل نومى
املا حياتى نو زيد اغيومى وفجر انهار الحزن من ينبوعى
---------------------------------------------------
خـلــك مـعــاي حــنــون تكسـب غـلاي وتربـح المليـون
من غير اسئله
تــكــســب حـــبــــي ... وللي تطلبه يبقـي احـداك ملبـي
وانجيـك بالتاكيـد كـي ماتـبـي ... من غيـر قسـوه ياعزيـز اتمـون
انت علتـي وانـت شفـاي وطبـي ... واحلي زهـره مفتحـه فـي الكـون
--------------------------------------------------------
انتم زها للعين وين تراكم ...
وانتم شعور الحال يا محلاكم ...
وانتم ونس الايام في ملقاكم ...
لاتغيبوا يلي جميل اسماكم ...
--------------------------------
الناس دايره الاصحاب يوم الطربه ...
وانا صاحبي نبيه يوم الكربه ...
يوم الضيقه يوم حوست الخاطر وجفت ريقه ...
يوم صورة الاحباب تبان حقيقه ...
سوا صافيه ولا اتجي منحرقه .
----------------------------------------
مرات نحمل في احموله الزايله ...
ومرات حتي الجرد نوحل فيه ...
ومرات نذهب في الضحا والقايله ...
ومرات حتي الليل نخبر فيه ...
ومرات نفرح والمدامع سايله ...
ومرات حتي العيد نبكي فيه ...
ومرات اثقل ثقل نقعد شايله ...
ومرات حتي حمل الريش نعجز فيه ...
ومرات ننسي اجروحي الغايره ...
و نشقي بجرح الرفيق ونداويه .
-----------------