اجعنك يا وادي تخضار بغزر امطار نزل فيك جباهم بالدار
اجعنك يا وادي في خير واجعن يرجع فيك الخلاق
اعطيك سيله ب اشبوب ذكير همت برقه من المغرب تاق
سحاب امنزل ماه غزير سحب سيله يذرف دفاق
قطع بيه شعاعه و البير درز رعده ماهو طرشاق
عزم سيل هالهفاوير اليا القعره و شرق مشراق
سحب خلف عاد نواوير اعشابا لكحيله غنداق
هوين فيه القود بعاثير فرج وين الخاطر ما ضاق
هوين فحلها كيف المير امنين يهدر فيها نقناق
هدر ميزر بين عشاوير دحس خلى الحافي دقداق
هوين نجع ايبان طقارير اتقول نجع امرادع الاواق
قعد فيه اليا وان ابرير و حدر جابنه لرقاق
نقل منه و بكر تبكير رفع قبل ايتوقن لشفاق
هوين بانن فيه اباصير نزي بيهن غيم الرقراق
مع الغيم اتقول ابابير امنين رسن في ابحور اغراق
قصد صوبه مولاه خبير يعاين ف الاول بنداق
بني قيطن في لمواكير وصل وين تفضن الخلاق
ورد منهل بين جرارير صدر ماله رويان نقاق
نبي انسميه اسماه شهير حذا منقار اسماه على ربيع النوار
اجعنك يا وادي و السيح اللي فيك مرابيع الميل
ايذبك مازق بالتركيح عمر دوره و نزل تنزيل
من اول شهر خريف ايطيح دوي رعده و سيل تسييل
كنس الارض اتقول مساسيح ايجلول ف الحيط تجلويل
الأحد أكتوبر 16, 2022 8:34 pm من طرف ملك.المينا
