السلام عليكم
جيبلكم مجموعه غناوي وشتاوي بي اكتر من فاهق
ह ह الغلاह ह
غلا عزيز غزلن النفر *** نباته امخطاه ساهله
دير احسابك يا غلينا*** حد الدنيا قدعه شينا
علي غلاك نين اتموت*** العين ياعلم بات رايها
يجفاك من امرارك فيه*** ويجيك من مرارت الغلا
الموت كاينة وتكون .. غلاك هو الواعر علي
اللي غلاه بالترويم*** أنساه يا دليلي واتركه
غلاك فالسما لافوق***الا لرض داسوها عرب
غلاي يالعين الياس*** ماطلقة نين عالموت شرفة
راقد وجاك النوم ***كذاب ماغلانا شاغلك
الغالي كان غلاه نقص....نشيله باربع طاش ونص
غلاكم درناله برواز.......كمل ما يبي غير قزاز
ह हالفراقह ह
ياجياب نبا فرقاهم** **ياريتك عديت معاهم
افراق العزيز صعيب*** تخريج روح يانا موعرة
فراق العزيز صعيب*** والعقل في فراقة كادني
شه
بعد فراق عزيز تبقى*** طويل ياليل ما أوحشك
فرقا عزيز ما ينطاق*** امرار غير عينى جاحده
على فراق ناس عزاز ***أنظارى بلا غيم يمطرن
فرقاهم خلاني هكي … نين شديد العزم انبكي
يوم فراقه شانت عيني …حتى عالضيف اللي يجيني
ह हالذيبह ह
صارت فيه الراعي ليله .. يرقد يا ذيب اتعويله
بلهون الراعي وكلابه .. ما دارو للذيب احسابه
من حاشن لا جهد لا ناب .. دعست ليش يا ذيب عالغنم
اللي لي خليطا فيها .. ما تقدر يا ذيب اتجيها
الللى واجعا لدياب..... تسليطت اللى ما لا غنم
الطوقه الى فالضان دوا الذيب جا فى كبدها
عنايق البيت اسرحن ....صدفن ديب وازا بينهن
الطوقه فيها جرت ناب ... اتخلي فالشراي ايهاب
رعيانها ايحقوا فيك ... تقرب الضان يا ذيب تنقتل
نوارة الضان اسدسه*** مطلب الذيب وايتوب عالغنم
ह हالقديم و جديدह ह
عيطت يالقديم وراك ... شديد عزم مابيت تلتفت
لاقديم قسمى جاب ... ولاجديد عينى دورت
برين يالقديم جروحك......ماتبكى غير على روحك
حملنا يالقديم بلاك...........لقينا غيرك ونسيناك
عزمى كان تريد الحق..............كى يطروا القديم يرق
جرح قديم حسيته بارى..............حركته جا دمى جارى
ماشي شور جديد رحيلي & وإنت يالقديم إدعيلي
انديرو عليهم عزم...خونة قديم للعين واعره
انفضهن يالقديم ايديك..عالله رزقي موش عليك
عليك ياالقديم انموت** حتي وانت في ايدين غيرنا
مارقت ياجديد إمعاك& عشم قديم شوره ضرني
جديد ايوصي فيه قديم & ايقسم في كبدي تقسيم
انريد القديم ايعلم** دورت جديد وذوق الوجع
ह हالدارह ह
اجداب شين جا لدار *** يابس وطاتها لين شققت
شـور الدار خذيتي جولة .... ما جابوك إلا مشـــيولة
الأحد أكتوبر 16, 2022 8:34 pm من طرف ملك.المينا
ارجو منك المزيد يجن