شتاوي وغناوي ع الاهل والخوت والعزوه والفزعه

االسلام عليكم و رحمة الله و بركاته


-الله امصلي ع النبي .. علي خوتي و ضني عمي

-عندي خوت اتقول حكومه .. لباسين العالي سومه

-سلم هلنا ما نجدوا .. ان كان غابوا اجعنهم ما ردوا

-يا ربي نجيلي باتي .. اللي امدلعني ني و خواتي

ياسلم بويا واولاده كيف الصقر تلا حساده

العين اللي عزوته خوت..تعيش هنيه لين اتموت

يا نجيلي خوتي جمله .. والشايب هو راس العمله

العين اللي عزوتها هل .. اتعيش شريفه ما تنذل

يا مولاي اتصونه لينا .. ها اللي بالجرد امغطينا

سلم خوتي اللي علوني عالواطي نعفس خلوني

ياربي سلم شيابي اللي بيهم في الناس انزابي

هم هاديم تريس العيله..هابه لو شفتو لعويله

الحوش اللي مليان اصقوره..انشاء الله مانبكي في سوره

بونا عز و عزه دايم . . . كيف الصقر علينا حايم

الناس أتهد علينا هد . . . علي سيرت بونا و الجد

حجب يامولاي عليهم..هم سته وشيبانيهم


ولي عندا شتاوه ا غناوه علي الخوت والاهل اضيف تصفيق

ذكرتني بأفراح مصراته هاذي كلها شتاوات هلها
منور ومشكور