مالى افداء تلقيه ... من روائع الشاعر بوبكر بوحويه

السلام عليكم

قصيده لي الشاعر ابوبكر بوحويه مكتوبه

مالي افدا تلقيه ..
دللتك دلال كبير بوزعتيه ..
انت الخاسرة

من هو اللي يفداني ..
ومن هواللي درتيه غالي ثاني
ومن هو اللي واطى غلاي وشاني ..
في نظرك يا ريدي اللي تبيه
ومن هو اللي واخذ اليوم مكاني ..
ومن هو اللي هو مطرحي ماليه
نريد نعرفه لين خلايق داني ..
ومن اين جلاوي يا علم جبتيه
وكنك اتقولي ما بشر غالاني ..
من غيرك عليش العقل عوزتيه
ونا ويش داير شنو اللي شواني ..
وشوا الغلا للياس خليتيه
خطاك هو اللي هيض اليوم مكاني ..
وعطيب العرب م الناس شمتيه
فيا ونا مو هذا شي حسباني ..
حاسب احسابك ما خطا تاطيه
وبقي نين يعجز ع الكلام لساني ..
بفعلك اللي درتيه لكنتيه
ونا قبل نرضخ تحت نار حناني ..
وجميع ما تريدي ف الحياة انلبيه
اساع تندمي بكرة ونا بركاني ..
ينوض نين ما تلقي منين اتجيه
ونقولك بلاك وبيك باني باني ..
بيتي اللي بالزور طيحتيه

ماله افدا يا شوعة ..
الخاطر اللي درتي لحوم اضلوعه
نارك اللي يمسي عليه يوعى ..
وجرحك اللي بيها اداوي فيه
وحامل علي شانك امرار اللوعة ..
واللي تقهره وترضيبها ترضيه
حطيتي منيدك في يد ياس اصروعه
عنك بعيد صحيح موحتيه
بلا سباب شطبتي علي موضوعه
علي قلب غافل غر فاجيتيه
حتى ان كان كابر سيلات ادموعه
علي ما جحد هيص خطاك عليه
واللي دردراته دايرك مشروعه ..
ويحسابك علي واجد غرض تغنيه
وفيّ معاك في اياماً اتجي في طوعه ..
ووين ما تحطي خاطري تلقيه
مغير ويش تبي يعشك دلوعة ..
علي ارضاك يجنى في غضب ولديه

» كـــانـــو غــالــيــن..بوبكر بوحويه
» كل وقت عنده رجال .....الشاعر :بوبكر رابح
» فيكن يالنظار اوحلنا.... من روائع الشاعرالكبير مصطفى الشلماني
» الشاعر: نصيب السكوري
» اخر قصائد الشاعر مفتاح الفالح