كـــانـــو غــالــيــن
لشاعر/بوبكر بوحويه
********
كـــانـــو غــالــيــن...وهانو وين تموا مانيين علي اعزاز
كـانــو كـيــف روحـــي...ومنهـا بـد ضمـادة اجروحـي
وكانو سيل يلعـب فـي اميوحـي...وجف اتقول صاغـت فيـه عيـن
كانو غاليين
كـانــو يحـلـفـو بــــي...وكنت انقول مـن دمـي وثوبـي
ايـام زمـان يامـا قـذرو بـي...ويامـا بــي كـانـو شاقيـيـن
عمر اعـزاز ماعافـوا ادروبـي...مـوش وراي يبقـوا الاولـيـن
وعالاخريـن كانـوا يفخـروبـي...فيـه احرمـي ماهـم عاطيـيـن
موش اليـوم تمـوا يلعبـوا بـي...لعـب اقمـار بيـن امخوجـيـن
كانوا غاليين
كـانــولــك اريــــــاد...غـيـر علـيـك هــك الله راد
عطيب الـدرج مـن دون العبـاد...فيك البخت شـا الله غيـر زيـن
حتـى ويـن غـيـث الله جــاد...علـي مبـذور حارثتـه دفـيـن
وغنـزر كيـف منبـوت السمـاد...الولـده فيـه تسـوى ولدتـيـن
ويـن قريـب جـا وان الحصـاد...المنجل طب في ايديـن الاخريـن
عمـرك راح خديـمـة اجــواد...طلعـتـي لا بدنـيـا لا بـديـن
كانوا غاليين
كـانــولــي زمــــــان...بلسـم جـرح شـاواه الـزمـان
يـداوي فـي ويصـون المكـان...مـن تلويـث يديـن الحاسـديـن
وكنـت انقـول هـم دار الحنـان...وكنـت انقـول لـيـا وافيـيـن
ولكـن ويـن دالـنـي ازمــان...وتم الكـوز فـي يـدي ضنيـن
عملهم في مـوش امغيـر شـان...شينة وطـن مجـدب لـه اسنيـن
كانوا غاليين
كـانــولــي صـحــيــح...دوا للعيـن والقـلـب الجـريـح
ولكـن ويـن مـاعـدوا بمـيـح...اوحود اخريـن نشوهـم اخريـن
وتـم السـوق يـالايـا قبـيـح....اخطفت احرمي والعيشـة حزيـن
ولاقابيـت يـاراجـل انطـيـح...عنـد اولاف ماهـم ناصحـيـن
كانوا غاليين
كـانــولــي احــبـــاب...وكانـو ود ماهمـشـي عــذاب
وكانـو لـي مايطيقـوا غـيـاب...وكانـو ويـن وينـك يـا جنيـن
وكانو ضـي ماهمشـي ضبـاب...العيـن وقلـب فيـه امسيطريـن
ولكـن تـو واتنـهـم اشـعـاب...وفـي وديـان غيـري نازلـيـن
لهـم ماعـاد دايرشـي احسـاب...ولـي احسـاب ماهـم دايـريـن
كانوا غاليين
كـــانـــولــــي اولاف...فيمـا فـات وانياهـم انـظـاف
حتى وين مـا ايصيـر الخـلاف...ديـمـا عــذر لـيـا لاقيـيـن
انكانلي تو فـي سـوق التـلاف...بـاول سـوم فــي امربحـيـن
ياسبحـان بــدال الاوصــاف...سعتـا ويـن وانـا تـو ويــن